Do Char Alfaz

Assalamualaikum,
Ek din mujhe ye jankar kafi hairat hui k na jane kaha se hamare andr bhi ehsaas-o-afkar ko toote phoote alfaz me sametne ka fun us Malike do jahan ne rakhdiya,
Wujuhat ka pata lagana bandae haqeer k bus ki baat kaha,
Pas umr 16 se chand lines k akhri chand alfazo ko jodne lage aur samajhne lage k janab sher kehte hai,
Khud ko khud k sher sunate aur khoob daad dete,
Phir apne shoq-e-atfaal ko sanjeedgi se lena shuru kiya to laga k kuch to asar hai, phir auron ko sunaya to unke jawabo ne hume hairan kar diya,
na na ye mat samjhna k unhone hamare shero par bohot khooob bohot khoob ya waah waah kaha, sirf itna kaha "accha likhte ho".
Bas yahi kafi tha hamare liye to,
Phir talash hui ustaad ki jo ajtak adhuri hai,
Ab is forum par akar aisa laga k kuch na kuch apna bhi bhala ho hi jayega, aur admin sahab k dil paseeja isliye "your request has been approved" ka msg humare inbox ki shaan badhane laga.
Par abhi tak ye faisla nahi kar paye k shuruwat kaha se kare ,


Apni chand ghazaliyat ko sudharne ka to muaqa aap sab hame zarur denge,hosla afzai ki Ummeed hai, (himmat to dekhiye!! aur janab ka shumar abhi shagirdo ki fehrist main bhi nahi hota ).

Bagharze Islaah Post Karte Rahenge InshAllah,

Apka.
Yasir Inaam

HOsla Afzai ki ummed k sath post karte rahenge,
aap tayyar rahiye

most welcome

Parwaz Sahab, ameen

Aur bohot bohot shukriya apki huasla afzaiyo ka,

Aap jese logo k dum par hi hum kuch kehne ki himmat rakhte hain,
Bohot Shukria janaaab,