bachpan ka pyar

[bekarar]

friend,
aaj jab jindagi ko peeche mud kar dekhen to kabhi achanak hi koi dhundhla sa chehra, kuch masum si baaten, kuch atpate se khel yaad ane lagate hain. aur agar kuch gaharai me jayen to lagata hai ke un masoom dino me bitaye wo pal kahin pyar to nahi tha?
yes friend,
mai un dino ki baat kar raha hun jab hum shayad pyar ka matlab bhi nahi janate the, na amiri - garibi,na status ka khayal....
lekin tab bhi koi aisi thi / aisa tha. jiska hum specially khayal rakhane ko dil karata tha ya phir wo hamara kuch khass khayal rakhati thi/ rakhata tha.
shayad wo pyar hi tha......niswarth pyar, unch neech se bekhabar........

[Pooja]

Bekarar ji ajj apki is post per najar pardi. maafi chahti hu ki itne waqat baad yah najar aai.. kamal hai 50 reviews aor koi reply nahi yaha per. Meri vote mila kar do ki he Vote hai.

Bahoot he touching and pyari thread open ki hai apne.

wo roothna, manana,
bin baat apna haq dikhana
ek pal najar na aaye, to ghabrana
dekh kar usko wo dil ka muskurana!!!!

[Roja]

friend,
aaj jab jindagi ko peeche mud kar dekhen to kabhi achanak hi koi dhundhla sa chehra, kuch masum si baaten, kuch atpate se khel yaad ane lagate hain. aur agar kuch gaharai me jayen to lagata hai ke un masoom dino me bitaye wo pal kahin pyar to nahi tha?
yes friend,
mai un dino ki baat kar raha hun jab hum shayad pyar ka matlab bhi nahi janate the, na amiri - garibi,na status ka khayal....
lekin tab bhi koi aisi thi / aisa tha. jiska hum specially khayal rakhane ko dil karata tha ya phir wo hamara kuch khass khayal rakhati thi/ rakhata tha.
shayad wo pyar hi tha......niswarth pyar, unch neech se bekhabar........

I fully agree with you Bekarar ji. Niswarth pyar..... Very well expressed wordings.

[bekarar]

I am just reposting my post "Bachpan ke meet"
2005 me maine ye yoindia pe post ki thi aur aaj fir se is topic ke saath ise post kar raha hoon.....


Teri un masoom adaon ka jawab,
zannat ki huron me bhi pa na saka,
koshishe bahoot ki nakamyab raha,
mere bachpan ke meet tujhe bhula na saka

wo tumhari ashiqana ada nahi bachpana hi tha,
umra meri bhi kam thi magar mai bachcha kahan tha,
us bachpane ko pyar mai bata na saka,
mere bachpan ke meet tujhe bhula na saka,

tere hathon ko thame rahata tha mai shamo sahar,
na kisi ka dar tha, na kisi ki fikar,
tera hath kya chuta ke fir pa na saka,
mere bachpan ke meet tujhe bhula na saka,

tere ashqon ka bahana dekh ke, mai bhi to rota tha,
bina jane teri khushiyon me khush, mai bhi hota tha
ye rishta kyun jawani me mai nibha na saka,
mere bachpan ke meet tujhe bhula na saka,

"ladakon ke saath nahi khelate" tujhe nasihat di jaati,
"ladkiyon ke saath nahi khelega" mujhe ye baat samjhai jaati
wo khel tha ya koi rishta tha tere saath, ye sabako bata na saka
mere bachpan ke meet tujhe bhula na saka,

wo chat ki sidiyon pe baith ke tera intzar karana,
tere aane pe baithe hone ki koi aur wazah kahana,
wo shayad pyar tha, tujhe samajha na saka,
mere bachpan ke meet tujhe bhula na saka,

kai baar apane haathon se sajaya tha tumhe,
jhoothi shadiyon me sachchi dulhan banaya tha tumhe,
afsos ke haqikat us afsane ko bana na saka
mere bachpan ke meet tujhe bhula na saka

gharwalon ke jhagadon me jab tumse baat na ho paati thi,
wo aankhon ke ishare, teri muskarahat, sukun ban jaati thi,
tumhi mera sukune dil ho , bata na saka,
mere bachpan ke meet tujhe bhula na saka

[Pooja]

  too good bekarar ji!!! such kahu to bahoot kuch apki kavita ke liye likhna chah rahi hu magar shabd sath nahi de rahe!! dil ke armano ko , bachpan ki yado ko jis tarah se apne ek ek kar ke lines mai piroya hai.. kabile tareef hai!! bahoot khoob!!

[bekarar]

too good bekarar ji!!! such kahu to bahoot kuch apki kavita ke liye likhna chah rahi hu magar shabd sath nahi de rahe!! dil ke armano ko , bachpan ki yado ko jis tarah se apne ek ek kar ke lines mai piroya hai.. kabile tareef hai!! bahoot khoob!!

housala afzai ka bahoot bahoot shukriya pooja ji...
lagata hai aap is kavita ki rooh tak pahunch gai hain..
thanks again....waiting for your reply...........

[Tosha]

yeh pyaar kyahai kisi ne na jana....

[syednaami]

Buhat kamaal aur in depth likha hai Bekarar Saahib...

yeh pyaar kyahai kisi ne na jana....

Jaan kar bhi koi faaida nahin... Insaanon men Pyar baanto to pata chale...

[Talat]

Nice thread and nice post Bekarar

[bekarar]

yeh pyaar kyahai kisi ne na jana....

Buhat kamaal aur in depth likha hai Bekarar Saahib...

Jaan kar bhi koi faaida nahin... Insaanon men Pyar baanto to pata chale...

Nice thread and nice post Bekarar

bahoot bahoot shukriya...talat ji, syednaami ji  tosha ji....syednaami ji ki baat maan kar dekhen,

[syednaami]

bahoot bahoot shukriya...talat ji, syednaami ji  tosha ji....syednaami ji ki baat maan kar dekhen,

Haan haan kyun nahin maanenge Bekarar bhai, Pyar se kahi hui baat koi taalta hai kya?

[Pooja]

housala afzai ka bahoot bahoot shukriya pooja ji...
lagata hai aap is kavita ki rooh tak pahunch gai hain..
thanks again....waiting for your reply...........

Bekarar ji, ek koshish ki hai...bahoot mushkil hai in khayalo ko shabdo mai utarna..

Aai jab bhi koi vipda, ek teri hi yaad aii
Na kahi jo baat kabhi, wo baar baar man mai dohraaii
Lard kar ghar se, tere pass aa ker he her ek baat sunaaii
Na jaane kitani baar, mere liye bin baat tumne ki sabse ladaii

Bitha kar apne pass, jab tum mujhko samjhate the
Samjh atta nahi tha kuch, bas tumko he dekhein jaate the
Her teej tayohaar tumhare he sath manate the
Pahnte the jab bhi kcuh naya, sabse pahle tumhe he to dikhate the

Her khail main mujhko, jab jab tum apna sathi banate the
Pakard tumahara hath kheil main, hum khud ko teri mane jaate the
Aa kar jab mere sung, tum mitti ke khilone banate the
Hum apne dil main, tere-mere ghar ke sapne sajate the
Mere wo patton ke jhoothe khane ko jab such maan tum kha jaate the
Her such-dukh main rahugi tumhare sung, yah baat khud ko kahein jaate the

Badalte waqat ke suung, tum bas ladko main he rah jaate the
Dekh mujhe door door se, wo meethi muskaan diye jhaate the
Dil ho jaata tha bechain, magar samjh kuch nahi hum paate the
Bin dekhain tujhko na tha chain, anjaane ahsaason mai goom ho jaate the

Badal kar shehar jab hum chal diye’, Her pal dil main armaan wahin the
Badati umar ke sath, armaano ne, tere hi liye to shingaar kiye the
Din-raat mere dil ne bas tere he to intzaar kiye the
Per shayad ab teri dunia mai mere liye wo zajbaat nahi the

Ek din aaii khabar tere kisi aor ke ho jaane ki
Dil toot gaya, na thi koi seema, gum ke thikane ki
Dil mai he rah gai dil ki wo dunia basane ki
Ban kar rah gai ek yaad, tere-mere wo zamane ki....

[bekarar]

 
wah wah wah.............................

mai samajh nahin paa raha hun kya likhun ...bahoot hi sunder likha hai pooja ji aapne...

Her khail main mujhko, jab jab tum apna sathi banate the
Pakard tumahara hath kheil main, hum khud ko teri mane jaate the....bahoot hi masoom pnktiyan hai ye aur inhe likhane ke liye bachche jaisa hi masoom dil chahiye...

Badalte waqat ke suung, tum bas ladko main he rah jaate the
Dekh mujhe door door se, wo meethi muskaan diye jhaate the
Dil ho jaata tha bechain, magar samjh kuch nahi hum paate the
Bin dekhain tujhko na tha chain, anjaane ahsaason mai goom ho jaate the

[Pooja]

Bekarar ji, jab se yah kavita post ki thi soch rahi thi ki app kaya comments dege.. bahoot acha laga pard kar ki apko wo line pasand aai.. mujhe bhi meri is sari kavita main yah lines sabse jayada achi lagi hai:

Her khail main mujhko, jab jab tum apna sathi banate the
Pakard tumahara hath kheil main, hum khud ko teri mane jaate the
Aa kar jab mere sung, tum mitti ke khilone banate the
Hum apne dil main, tere-mere ghar ke sapne sajate the
Mere wo patton ke jhoothe khane ko jab such maan tum kha jaate the
Her such-dukh main rahugi tumhare sung, yah baat khud ko kahein jaate the!!


Bachpan to khair bachpan hai, haqiqat se bahoot door, ek sapno ki nagari.. jahan ek apni dunia hoti hai.. sabse alag.. sab se juda.. kisi ki ek baat na jaane kitne sapno ko poora kar ke kitne aor sapno ko janam deti rahti hai.. aor yah masoom sapne kitne apne hote hai..

[bekarar]

baat aapki bilkul sahi hai pooja ji......
bachpan ki baaten kabhi nahi bhulati.....aur jo topic maine liya hai us par likhna wakai bahoot hi mushkil hai kyonki jab likhne baitho to itane saare emotions hote hain ki unhe shabdon me daal paana bahoot mushkil ho jaata hai...
lekin is topic par voting bahoot kam ho rahi hai?