Atif faridi Saraiyavi ke ash,aar

ایسا کیوں ہوتا ہے اکثر یہ خیال آتا ہے
ساس دیکھے جو بہو کو تو جلال آتا ہے
آکے سسرال میں کرتا ہے چکن کی خواہش
خود کے گھر سے تو مگر کھا کے وہ دال آتا ہے
عمر پینسٹھ میں بھی ٹمپر کا یہ عالم ہے میاں
ہے وہ باسی کڑی پر اس میں اُبال آتا ہے
چین سے بیٹھنے دیتی نہیں محفل میں مجھے
گھنٹے گھنٹے سے میری بیوی کا مس کال آتا ہے
خود کشی کرنے کی سالے کو اگر دوں دھمکی
کھودنے قبر مری لے کے کدال آتا ہے
ناز کرنا نہ کبھی عارضی شہرت پہ یہاں
ہو طرم خاں بھی اگر اس کو زوال آتا ہے
سر پہ بیٹے کو خوشی سے میں بٹھا لیتا ہوں
اپنے سسرال سے جب لیکے وہ مال آتا ہے
بڑھ گئی سونے کی قیمت تو اچھلتے کیوں ہو
اب تو کچرے کی بھی قیمت میں اُچھال آتا ہے
جان جاتے ہیں سبھی داد سے محروم رہا
جب بھی محفل سے فریدی ہو کے نڈھال آتا ہے

#Atif Faridi Saraiyavi (Urdu Poet)

واہ واہ ... بہت خوب