kaam aa saki na apni wafa..--Akhtar Shirani:Urdu Poets

ghayal_shayar

Guest

kaam aa sakiiN na apnii wafaayeN to kyaa kareN
ik bewafaa ko bhuul na jaayeN to kyaa kareN

mujh ko ye etaraaf duaaoN meiN hai asar
jaayeN na arsh par jo duaayeN to kyaa kareN

[etaraaf=concurrence/agree; arsh=seventh heaven]

ik din kii baat ho to use bhuul jaayeN ham
naazil hoN roz dil pe balaayeN to kyaa kareN

[naazil=to fall upon; balaaye.n=troubles]

shab bhar to un kii yaad meiN taare ginaa kiye
taare-se din ko bhii nazar aayeN to kyaa kareN

ahad-e-tarab kii yaad meiN royaa kiye bahut
ab muskuraa ke bhuul na jaayeN to kyaa kareN

[ahad-e-tarab=promise of good times]

ab jii meiN hai ki un ko bhulaa kar hii dekh leiN
vo baar baar yaad jo aayeN to kyaa kareN

tark-e-wafaa bhii jurm-e-muhabbat sahii "Akhtar"
milne lageN wafaa kii sazaayeN to kyaa kareN !!


	Logged

Similar Poetry and Posts (Note: Find replies to above post after the related posts and poetry)
	irfan pathan v/s shoaib akhtar by nishita in SMS , mobile & JOKES
	Begum Akhtar And Ghazals by sashe75 in Ghazals « 1 2 All »
	JaN nissar akhtar by Sayyid Randeri in Share: Poetry of Pain
	wo mehfil me apni wafa ka ziker ker rahe the by awais_007 in Share:Miscellaneous Shayari
	Kare kyu kar apni wafa ka izhaar dostoN.......* by usha rajesh in Ghazals « 1 2 All »