Sheikh Baquer Ali “Chirkeen” ke chand sher...!!

Deevan-e-Chirkeen ke kuch sher pesh-e-khidmat haiN aap sabhi ke...



First Sher in Deevan

Thaa giriftaari mein jo khatra mujhay baydaad ka,
kar diya bai- ul- khala hug hug kay ghar sayyaad ka.

2.

Gaiz me talwar kheenchi Haidar-e-Karraar nay,
darr kay maaray hug diya lashkar-e-kuffaar nay.

3.
Dast se khana khilaya maine apne yar ko,
pani jab manga to hamne paish- aab kar diya.
4.
Hug de agarche woh bute bepeer hath main,
le gu ka bosa ashike dilgir hath mein.


5.

Maronde pet mein uthein na kis tarah ’Chirkeen’,
kisi ki zulf ka yaad aya pench-o-taab hamein.

6.

Chandni ko khet mein jab hagne baitha maah ru,
leed kha kha kar hilaale charkh gardun ho gaya.

7.
Dast par dast chalay aatay hain lay jald khabar,
teray beemaar ka ab haal hai patla qaatil.
dast-bar-daar hoon in baaton say ab jaanay day,
qatl ‘Chirkeen’ ko na kar, gu na uchhaal ai qaatil.

8.

Kisi key paady se urtee na kankaree dekhee,
uraaye deta hei Chirkeen’ pahar phuskee se.

9.

Hum se achche hen pakhane ke qadamche “ Chirkeen”,
ham tu didar ku tarsen wo barehna dekhen.

10.

Bad muddat aap ka mere ghar aana hua,
tez ki ghumdan hui aur dhad se pakhana hua.

11.

Chirkeen chane ke khet me chirko alag alag,
surat alag alag rahe seerat alag alag.

12.

Dil tha khayale yar me nikla jo ek dast,
Pok se diwar pe tasveere jana ban gayee.

13.

Naaz se bola dame rukhsat na aana phir kabhi,
warna ae “chirkeen” yeh ghar be-tul-khala ho jayega.

 

bahut umda

Nihayat badboodaar peshkash ...

 

shukriya, prashad sahab yuNhi aur padhte raheN...

 

hasan sahab durust farmaaya, ye waaqya suna hai maine, aur waise jo bhi kahiye janab the ustaad aadmi, aisa likhne ke liye bhi bahut himmat chaahiye, waise ahcha laga ki aapne isme hissa liya, bas yuNhi padhte padhaate rahiye...