Kya Yoindia ke home page par posts display karne par poetry se zyaada zor hota hai kuch members ka

[@Kaash]

Pichhle kai din se infact months se main notice kar raha hun ki Yoindia ka home page par poetry ki quality aham nahi rah gayi banisbat iske ki kuch log sirf kuch bhi likhke apni lines homepage par display karne par zyada zor dete hain.
Kya is tarah se hum poetry ki quality ko khatm nahin kar rahe?
kya do line chaar line har ek ghante do ghante par likhke ek sawaal jawaab ka maadhyam humne bana rakha hai aur is tarah se achhi poetry ko badhaawa kum de paate hain.

[Shihab]

Har Kisi Ko Chahiye Muqammal Reps Hone Ke Baad Hi Dusri Post Karen Ya Kam Se Kam 24 hrs Ka Fasla Rakhey


Shad o Aabaad Rahiye


shihab

[mkv]

Rules to hain..par koi maanta hi naheen.

poetry ki baat karen..to bahut se log off the topic posting karte hai..jise padhne me koi interest naheen leta..shayad padhte bhi honge par replies bahut kam aati hain.

2 lines ki baat karen to..kuch members aisi post ka intezar karte hai kyoki ye unke liye feed ka kaam karte hain..unhe posetry se kam ..apni number of post badhane me jyada interest hai. umda, khaas and so on..status
apni apni soch..

jahan tak shayri promotion ki baat..ye sirf site ki zimmedaari naheen, uske members ki bhi hai..shayad usse jyada.. dhyaan se dekhiye.. replies aur hausla afzai ke comments dekhkar aksar post ki quality ka pata lagana mushkil hai. dukh ki baat hai hamare liye.